الله يستر المديرة حقدت علي

كيفكم طيبين بخير الحمد لله

مارح اطول المقدمة عليكم لاني مررررة مقهورة رح ادخل بالموضوع على طول
اليوم صار شي رهيييييييييب بالمدرسة والله مدري كيف عدا الموقف دا
المهم اليوم تاخرت علي السيارة الصباح
والحصة الاولى كان عندي اختبار

وانا بالسيارة كنت متوقعة اني ما الحق الاختبار ومع كدة طول الطريق وانا

وصلت المدرسة بعد بداية الاختبار بنص ساعة .. استقبلتني من الباب المديرة

ما كثرت كلام معها واختصرت
وهي فهمت اني بايعتها يعني سواء سمحت ادخل الاختبار او رفضت ما فرقت معي
طبعا دا كلو من قهري مرررة كنت معصبة

بس ما ابغى اناقش
المهم
تركتني ودخلت مكتبها .. وعلى بالها انها عاقبتني وحرمتني الاختبار
صبرت عليها عشر دقايق

بعدين رحت الفصل وانا لا اباااالي ودخلت الاختبار مثل الطيبين

واستلمت الورقة وراح التوتر مني وكل شي تمام ..
بعد شوي حسيت في ظل شي مرررررررررررة كبير جنب طاولتي

رفعت راسي لقيت سمو المديرة واقفة فوق راسي ويدها على خصرها وتضرب برجلها ضربات خفيفة على الارض
وعيونها تطلع شرار

بيني وبينكم انا قلبي طااح

طبعا ماقصرت معي سمعتني كلام الين قالت بس
وخلتني اكمل الاختبار ولكن من حقدها علي احس الدخان صار يطلع من راسها :cherry:

الله يستر بس يوم السبت اش ناويتلي ما اعرف