الـ ﮓ ـتابة أم الـ ﮓ ـلام ؟؟ أيهما تفضل

حبيت اناقش معكم فكرة جات في راسي على هالفجر
>>>ليتك تفكينا من افكارك

لا من جد في شي نفسي اعرف رايكم فيه
يعني هو موضوع خطر على بالي وحبيت اناقشه معكم
<<<اقول ادخلي بالموضوع لا تنفرشي دحين

تيب تيب ،، القصة وما فيها
انو في ناس بعض الاحيان يواجهو المواقف بجرأة وقوة وحزم
يعني يكون كلامهم قوي و واضح
لكن لو طلبت منهم يكتبو في موضوع معين يمكن ما يقدرو او ما يعبروبالكتابة زين

وفي ناس العكس
لو عطيتهم ورقة وقلم يكتبو مرة كويس ويعبرو مرة تعبير قوي وواضح
اما لو واجهو الموقف او واجهو الاشخاص
يمكن ما يقدرو يوصلو فكرتهم مواجهة بالكلام المباشر يفضلو الكتابة

وفي عالم النت تحديدا في ناس كثير تعبر تعبير حلو بالكيبورد لكن بالحقيقة
ما يقدرو بنفس الجودة يتكلمو في مواجهة العالم الواقعي

في بعض الناس قالو عن هالموضوع ( نقصا في الشخصية...أو تناقضاً فيها...)

ولكن شخصيات مختصة تعتقد أنه أمر طبيعي الى حد معين...

انا مدري

عن نفسي اعرف اكتب اكثر من اني اتكلم مواجهة
ههههه يمكن لو اقابلكم بالحقيقة ما تعرفوني
لاني مرة ما اعرف اعبر بالكلام الحقيقي
اعرف اعبر بالكتابة اكثر

ياترى انتو كيف ؟

تعبرو اقوى بالكتابة أم بالمواجهة ؟؟
وتتوقعو ايش السبب ؟
يعني لو كنت قوي بالكتابة اكثر من الكلام ما السبب في ذلك ؟
ولو العكس برضو ما السبب في ذلك ؟؟
اتمنى تشاركوني الراي

رايكم يهمني