الشبشب ههههـ

موقف ودي أحكيكم هوا مرا ضحكني صراحة داك اليوم ماقدرت

أمسكـ نفسي من الضحك كنت حموووت هههههــ

المهم..

كانت أبلتنا حقت القرآن كبيرة مرا في السن ماشالله فحصتها كانت مرا تضحك

الله يزكرها بالخير هههـ

جا يوم وكانو البنات بيسمعولها قرآن كل بنت تروح عندها تسممع وترجع ,, وجا دور وحدة من البنات

وقفت قدام الأبلة بتسمع,, والأبلة ماشالله عليها تلبس شبشب في المدرسة وكمان في الحصة

تفسخو شويا ودي المرة لمن فسختو جات هادي البنت اللي بتسمع رمت شبشب الأبلة برجلها على ورا

عند البنات والبنات يصرررخووا ويضحكووووا ههههههههـ والأبلة مو فاهمة إيش بيصير

بس تهزأ وهما يزيدواا ضححك سرنا نلعب فيها كورة كل وحدة ترمي على التانية خايفة لا الأبلة تحسب إنو هيا اللي أخدتو

المهم..

قامت الأبلة فرشت سجادتها وبتصلي وشويا صفررت وأووول ماخلصت الحصة الكللل أخدوا شنطهم وخرجوا برة الفصل


وسكوا الأنوار عالأبلة وهيا بتصلي بس كان باقي كم بنت قاعدين وأنا منهم ولمن خلصت صلاة الأبلة جات

تبغا تروح بتدور عالشبشب حقهااااااا وإحنا نضحححححححك قامت لقتو ف نهاااية الفصل مرمي

وقالت يعني دا اللي بيدحككوا من بداية الحصة!!

هههههههههـ صراحة مرا قلة أدب ههههـ بس فلللللة